Эртең, 26-сентябрдан тарта Бишкекте төлөмдөрдү өз маалында жүргүзбөгөн 6 миң 800 абоненттин жарыгы аралыктан өчүрүлөт. Бул тууралуу Бишкек электр тармактар ​​ишканасынын басма сөз кызматынан кабарлашты.

Ыңгайсыздыктарга кабылбоо үчүн компания абоненттерди электр энергияга болгон эсеп-кысапты өз маалында жүргүзүүгө чакырат.

Ишкананын «Абоненттин балансы» рубрикасы иштеп келет. Анын жардамы менен бардык абонент өздүк эсебин каалаган учурда биле алышат.

Мындан сырткары абоненттер өз эсебин 1209, 105, 0(772)/0(702)/0(556) 00 12 09 номурундагы күнү-түнү иштеген чалуу борборуна кайрылып, сурап алса болот.