Медкызматкерлерге кошумча төлөмдүн өлчөмүн жогорулатуу пландалууда.  Бул тууралуу бүгүн, 2-июлда премьер-министр Кубатбек Боронов билдирди.

«Медицина кызматкерлери өзүнүн ден соолугун тобокелдикке салып, башка адамдын саламаттыгын сактоо, аны калыбына келтирүү жана чыңдоонун үстүндө жан дили менен алектенүү – бул эң жогорку гумандуулук! Сиздерге башыбызды ийип таазим этебиз»,- деди Боронов.

Анын айтымында, азыркы учурда өкмөт медицина кызматкерлеринин айлык маяналарына кошумча төлөмдүн өлчөмүн жогорулатуунун үстүндө иштеп жатат.