9 айдын жыйынтыгы боюнча Кыргызстанда экспортунун көлөмү 1 млрд 356, 5 млн доллларды түздү. Бул тууралуу Өкмөттүк Аппараттын маалымат кызматы билдирди.

Учурда ата мекендик товарлар дүйнөдөгү 87 өлкөгө экспорттолууда. Негизинен алар Көз карандысыз мамлекеттер шериктештиги, Евразия экономикалык биримдиги, Европа биримдиги, Бүткүл дүйнөлүк соода уюмуна мүчө-өлкөлөр сындуу биримдиктер боюнча өнөктөш-өлкөлөр.

Маалымдама: Кыргыз продукциясынын дүйнөнүн ар кайсыл өлкөлөрүнө экспорттолушу (млн $)

Учурда республика товардык номенклатуралардын 100дөн ашык тобун экспорттойт. Негизинен айыл чарба продукциялары экспорттолот. 9 айда 51,2 млн долларга 91750,0 тонна жашылча экспорттолгон.

Сүт азыктары 20 миң 031 тонна көлөмүндө Казакстан жана Орусияга экспорттолууда. Дүйнөнүн бир канча мамлкети кыргыз балын сатып алууда. Ушул жылдын августуна чейин 300 тонна бал экспорттолду.

9 айда ЕАЭБ өлкөлөрү менен соода жүгүртүүнүн көлөмү 2 млрд долларга жетти, бул өткөн жылдын ушул эле мезгилине салыштырганда бир аз төмөн. Муну менен бирге ЕАЭБ өлкөлөрүнө жана жалпы эле импорттун төмөндөшү байкалууда. Эгерде 2018-жылдын январынан августуна чейин импорт 3,5 млрд  долларды түзсө, үстүбүздөгү жылдын ушул мезгилинде 3 млрд долларга көбүрөөк.