Бүгүн, 26-июнда, Улуттук гвардиянын №10128 аскер бөлүгүнүн улук сержанты Кайратбек Рапиев Балыкчы — Тоң — Каракол — Чолпон-Ата багыты боюнча ультрамарафонго чыкты.

Улуттук Гвардиянын маалымат катчысы Толкунбек Райымжановдун айтымында, Рапиев мындай аракетин Улуттук Гвардиянын түзүлүшүнүн 27 жылдыгына арнаган. Андан сырткары, жаштарды сергек жашоого үндөөнү да максат кылган.

​​​​​​​

Рапиев 26-июнда саат 19:00дө чуркап чыгып, үч сутка тынбай Балыкчыдан Чолпон-Атага айланма жол менен келмей болду. Жолдон 30-40 мүнөткө токтоп, тамактанып, кийимин алмаштырмакчы.

Жөө күлүктү Улуттук Гвардиянын медициналык кызматкерлери коштоп жүрөт.

Эскерте кетсек, Рапиев буга чейин Балыкчы шаарынан Бишкекке дейре чуркаган болчу. 30 жаштагы жоокердин эки кызы бар.