Кыргыз балбандары Исламбек Орозбеков менен Саякбай Усупов Азия чемпиондугунун коло медалы үчүн ат салышат.

Исламбек Орозбеков жарым финалда казакстандык Нуркожа Кайпановго 15:8 эсебинде жеңилип калды. Эми ал коло байге үчүн болгон беттеште өзбекстандык Ихтийор Наврузов менен кез келет.

Ал эми Саякбай Усупов да жарым финалдык баскычта казакстандык Азамат Даулетбеков менен күч сынашып, 10:0 эсебинде жеңилүү ызасын тартты. Мекендешибиз коло медаль үчүн өзбек балбаны Бобур Исломов менен күрөш жүргүзөт.