Аргетиналык белгилүү футболчу Диего Марадона каза болду. Бул тууралуу чет элдик спорт басылмалары кабарлады.

Маалыматка ылайык, бүгүн, 25-ноябрда легендарлуу футболчунун жүрөгү токтоп калган. Ал буга чейин 31-октябрда ооруканага жатып, 4-ноябрда баш мээсине операция жасалганы айтылган. 12-ноябрда үйүнө чыгарылган болчу. Учурда Аргентинанын борбору Буэнос-Айресте жашап жаткан.

Диего Армандо Марадона — 60 жашта болчу. Ал футбол боюнча дүйнө чемпиону (1986). Дүйнөлүк чемпионаттын төрт жолку катышуучусу, «Наполи» клубунун курамасында Италиянын эки жолку чемпиону. ФИФАнын сурамжылоосу боюнча ХХ кылымдын эң мыкты футболчусу деп табылган.