23-мартта Индиянын Бихар штатынын Патна шаарындагы мечиттен Кыргыз өлкөсүнүн 10 жараны коронавируска шектелип кармалды. Бул тууралуу жергиликтүү "Press Trust of India" басылмасы жазып чыкты.

Маалыматка ылайык, жергиликтүү мусулмандар полицияларга билдирбей аларды мечитке жашындырып коюшкан. Жашоочулар буга нааразы болуп, полицияга билдиришкен. Аларды полиция кармап кеткендиги кабарланган.

Белгилей кетсек, буга чейин 21-мартта Индиянын Хайдарабад шаарында Кыргыз өлкөсүнүн 11 жараны коронавируска шектелип карантинге алынган.